Beledwayne (Raxanreeb ) Wararka aan ka –  helayno  magaalada Beledwayne ee gobolka Hiiraan ayaa sheegaya in halkaas  dil loogu gaystay ganacside si wayn  loogu yaqaanay magaalada Beledwayne.

Sida wararku ay sheegayaan ganacsadahan ayaa la sheegay in dilkiisa ay ka danbeeyeen koox hubaysan oo goobta isaga baxday dilka ka dib .

Ganacsadahan oo lagu magacaabi jiray Xasan Daahir Cali (Naajeeriya) ayaa dilkiisa waxa uu ka dhacay xaafada  Howlwadaag ee magaalada Baladweyne

Dadka ku nool magaalada Beledwayne ayaa si adag uga falceliyay dilka magaaladaas loogu gaystay ganacsadahan.

Magaalada Baladweyne ayaa mararka qaar waxaa ka dhaca dilal qorsheysan oo lo geesto ganacsatada iyo waxgaradka magaaladaasi ku dhaqan.