Laascanood ( Raxanreeb ) Magaalada oo aan  ka jirin xasilooni isla markaana ay fashilmeen wada- hadalo xabad joojin ah ayaa markale waxaa magaalada laga maqlayaa daryanka hubka culus.

Ciidanka dadka deegaanka iyo kuwa Somaliland ayaa maanta markale food is- daray waxaana jira khasaare dhimasho iyo dhaawac oo soo kala gaaray labada dhinac ee dagaalamay.

Dad ku sugan magaalada ayaa ku waramaya in dagaalka uu Maanta uu aad u xoogan yahay, sidoo kalena Ciidanka Somaliland ay madaafiic ku garaacayaan Xafadaha  Laas-Caanood

Inta badan magaalada Laascanood waxaa isaga barakacay dadkii rayidka ahaa ee ku noolaa magaalada waxaana keliya magaalada ku haray duubabka dhaqanka iyo dad tiro yar kuwaas oo ka walaacsan xaaladda magaalada .

Wakiilada beesha caalamka ee fadhigooda yahay magaalada Muqdisho oo ka hadlay colaadda Laascaanood ayaa Talaadadii sheegay inay si xoog leh u cambaareynayaan sii socoshada dagaalka, kaas oo sababay dhimasho, dhaawac iyo burbur xooggan.