Gedo (Raxanreeb online) – Warar dheeraad ah ayaa kasoo baxaya dagaal culus oo saaka ka dhacay degmada Luuq ee gobolka Gedo kaasi oo u dhaxeeyay labo maleeshiyo beeleed oo hubeysan.

Iska horimaadka ayaa saaka ka bilowday bartamaha magaalada, waxaana labada maleeshiyo beeleed ay isku adeegsanayaan hubka noocyadiisa kala duwan, sida ay sheegayaan dadka deegaanka.

Maleeshiyaadkii dhawaan ku dagaalamay degmada Luuq ayaa saaka ku dagaalamay bartamaha magaalada, waxaana dagaalkaasi uu baabi’iyay nabadoontii hore ee deegaankaas oo ahayd mid aan wanaagsaneyn.

Sida ay sheegayaan wararka dagaaladii ugu dambeeyay ayaa geystay khasaare dhimasho iyo dhaawac ah, inkastoo aan si rasmi ah loo xaqiijin karin tirada rasmiga ah. Dagaalada joogtada ah ee saaka dhacay ayaa sii kordhiyey cabsida ay qabaan dadka deegaanka.

Xaalada deegaanka ayaa haatan ah mid aad u kacsan iyadoo weli rasaas laga maqlayo xaafadaha kala duwan ee degmadaasi, iyadoo maamulka degmadaasina uu weli war ka soo saaray dhacdadaasi, balse xaalada deg dega ah ayaa keentay in la dhex dhexaadiyo si loo joojiyo shaqaaqadaasi.

Colaadahaan ayaa kusoo aadaya xili shalay magaalada Kismaayo uu madaxweynaha Jubbaland kusoo gaba gabeeyay shir u dhaxeeyay waxgaradka beelihii dhawaan ku dagaalamay degmada Luuq ee gobolka Gedo.

Shirka ayaa lagu sheegay in heshiis nabadeed laga gaaray colaada degmada Luuq, balse waxaa lagu jabiyay colaado saaka dib uga soo cusboonaaday degmadaasi.

Xiisadaha colaadeed ayaa saaka dib u soo cusboonaaday, waxaana shaqaaqooyinkii ka dhacay Luuq aysan ahayn kuwo sababay khasaare nafeed oo kaliya, balse sidoo kale waxaa hakad galay hawl maalmeedkii shaqo ee degmadaasi, waxayna saameyn ku yeesheen ganacsiga, isu socodka gaadiidka iyo adeegyada muhiimka ah ee degmada.

Dowladda Soomaaliya ayaa si dhow ula socota xaaladda degmada Luuq, waxaana la filayaa in dhaqaalo dheeri ah ay ku bixiso dhexdhexaadinta iyo soo celinta nabadda.