Tel Aviv (Raxanreeb online) – Kooxda Xuutiyiinta Yemen, ayaa saakay weerar culus oo ay u adeegsadeen gantaalada nuuca balaastic-ga waxa ay ku qaadeen gudaha Israa’iil, gaar ahaan magaalada Tel Aviv.

Sidoo kale, Gantaalada ay Xuutiyiinta ku weerareen caasimadda maamulka Israa’iil, ayaa wararku sheegayaan in khasaarooyin ka dhasheen, waxaa sidoo kale dadka magaaladaasi ku dhaqan lasoo dersay xaalad argagax iyo kala carar.

Xaalad bandow u eg ayaa saakay la galiyay magaalada Tel Aviv ee caasimadda Israa’iil, waxaana dadka lagu wargaliyay in ay galaan goobo ay uga gabaad galaan gantaalada ay Xuutiyiinta kusoo weerartay caasimadda Israa’iil.

Dhanka kale, Weerarkan ayaa imaanaya xilli maamulka Israa’iil uu ku hanjabtay inay hoggaamiyayaasha Xuutiyiinta u beegsan doonta sida hoggaanka Xisbullah,  halka kooxda Xuutiyiinta iyana ku hanjabtay in ay sii xoojinayaan weerarada ka dhanka ah Israa’iil.