Hargeysa (Raxanreeb online) – Madaxweynaha  Somaliland, Muuse Biixi Cabdi, ayaa qasriga Madaxtooyada kulan salaan iyo xogwarran ah kula qaatay Madaxweynaha cusub ee dhawaan loo doortay  Somaliland, Cabdiraxmaan Maxamed Cabdilaahi (Cirro).

Sidoo kale, Muuse Biixi ayaa ugu hambalyeeyay Madaxweynaha cusub ee la doortay , waxa uuna sheegay in uu diyaar u yahay in uu la shaqeeyo si qurux badana ugu wareejiyo xilka Madaxweynaha iyo qasriga uu hadda ku sugan yahay.

Dhanka kale, hagaalada Hargeysa waxaa hadda ka socota qaban qaabada  munaasabad weyn uu xilka kula wareegi doono Madaxweynaha cusub ee maamulka Somaliland Cabdiraxmaan Cirro.

Sikastaba, Kulankan maanta ka dhacay Madaxtooyada Somaliland ,waxa labada madaxweyne ku wehelinayey shir-guddoonka labada gole ee guurtida iyo wakiillada iyo guddoomiyaha maxkamadda sare.