Azerbaijan (Raxanreeb Online) Gantaallo iyo diyaarado aan duuliye lahayn ayaa ku dhacay agagaarka garoonka diyaaradaha Nakhchivan ee Azerbaijan.

Ilo ku dhow dowladda Azerbaijan ayaa sheegay in gantaallo iyo diyaarado aan duuliye lahayn (drones) oo ka yimid jihada Iiraan ay Khamiistii ku dhaceen agagaarka garoonka diyaaradaha ku yaalla gobolka Nakhchivan ee Azerbaijan, sida ay sheegtay wakaaladda wararka Reuters.

Garoonka diyaaradaha caalamiga ah ee Nakhchivan wuxuu qiyaastii 10 kiiloomitir u jiraa xadka Iiraan, wuxuuna ku yaallaa gobolka Nakhchivan ee Azerbaijan oo juqraafi ahaan ka go’an dalka intiisa kale.