Galcad (Raxanreeb ) Wararka aan ka helayno  Degmad Galcad ee gobolka galgaduud ayaa sheegaya  halkaas fariisimo ay ka samaysteen ciidan ka socda Mareynkanka.

Ciidankan ayaa lagu soo waramayaa in ay yihiin kuwa ka tirsan howlgalka AFRICOM kaas oo la dagaalama kooxda Al- Shabaab.

Fariisamahan ayaa ah mid cusub oo sida wararka ay sheegayaan noqon doona mid Ciidanka Mareykanka ay ka duuli doonaan si ay u jabiyaan kooxda Al- Shabaab.

Sidoo kale waxaa Degmada Galcad Fariisimo ka samaystay ciidanka DANAB kuwaas o dagaal kula jira kooxda Al- Shabaab.

Degmada Galcad oo ku taala Bariga Galgaduud ayaa ka mid ah deegaanadii laga saaray kooxda Al- Shabaab , halkaas oo in muddo ay maamulayeen kooxda.

Saraakiisha Dowladda Soomaaliya wali wax faahfaahin ah ma aysan ka  bixin  saldhiga ciidan ee Mareykanka uu ka samaystay degmada Galcad ee Bariga Galgaduud.

Dowladda Soomaaliya ayaa wada hawlgal ka dhanka ah kooxda Al- Shabaab waxaana kooxda laga saaray meelo ka mid ah gobolo badan oo koonfurta iyo koonfurta dalka.