Caabudwaaq (Raxanreeb ) – ku dhawaad 10 ruux ayaa ku naf waayey halka tiro intaa ka badana ay ku dhaawacantey dagaal mudo saacado ah maanta ka socdey deegaan miyo ah oo u dhexeeya hul-kujir iyo laandheer.

Meydadka iyo dhaawacyada dhinacyada dagaalamaya ayaa lakala geeyay magaalooyinka Xeraale iyo Caabudwaaq oo ay kasoo Kala jeedaan maleeshiyaadka dagaalamayay.

Dhaqaatiirta caafimaadka Caabudwaaq ayaa sheegay in dhaawacyada qaar ay aad u liitaan kuwaas oo qaba qaarkood dhaawacyo halis ah iyaga oo ku sugan marxlad khatar ah.

Dadka deegaanka ayaa Raxanreeb u sheegay in ilaa iyo haatan la maqlayo rasaasta ay iswaydaarsanayaan dhinacyada dagaalamaya.

Ma jirto cid ku baxday deegaanadan ka tirsan Galgaduud kuwaas oo ay ku soo noq noqdeen dagaalada salka ku haya aanooyinka qabiil & daaqsinka.

Maamul goboleedka Galmudug ayaa marar badan soo saaray baaqyo nabadeed si loo joojiyo dagaalka hase ahaatee ma jirto cid dheg jalaq u siisay waxaana sii socda dagaalka.