Laascanood (Raxanreeb )Duleedka magaalada Laascanood ee gobolka Sool waxaa maanta oo Arbaca ka dhacay iska hor imaad u dhaxeeya ciidanka SSC- Khaatumo iyo kuwa Somaliland.

Dad ku sugan magaalada Laasacnood ee Sool ayaa sheegaya in in weerarkaas uu ahaa mid ay soo qaadeen ciidanka Somaliland , waxaana la soo sheegayaa in hub kala duwan la isku adeegsanayo.

Dagaalkan ayaa la soo sheegayaa in si gaar ah uga dhacay aagga deegaanka Buqdharkayn oo dhawaan ay ku dagaalameen ciidamada labada dhinac.

Saraakiil ka tirsan maamulka Khaatumo ayaa sheegay in dagaalkaas uu yahay mid deegaankooda ay ku soo qaadeen ciidanka Somaliland , isla markaana ay gaarsiiyeen khasaare kala duwan.

Maalmo kahor odayaal labada dhinac ah ayaa ka shaqeynayay dadaal nabdeed oo dagaalka looga ilaalinayo in uu isku rogo mid qabaa’il.

Dagaalkan ayaa kusoo aadayo, ayadoo maalmihii u dambeeyay ay daganeyd xaaladda Laascaanood, inkastoo ay labada dhinac is uruursi ciidan ay ka wadeen deegaanka gobolka Sool.