Marka (Raxanreeb ) Kooxda Shabaab Ayaa Waaberigii Saakey Weerar Ku Bilowdey Qaraxyo Ku Qaadey Xero Ciidamada AMISOM ay Ku Leeyihiin Deegaanka Buulo Mareer Ee Gobolka Shabeelada Hoose.

Dadka deegaanka ayaa sheegaya in saacado badan uu socdo weerarkan oo ah mid toos ah oo la isku adeegsanayo hub culculus isla markaana uu jiro khasaare culus.

xilligii la dukanayay Salaad Subax ayaaa sheegay in la  maqlayay  jug culus oo is xig-xigay iyo dhawaqa rasaasta ay is weeydaarsanayeen Ciidamada Uganda ee ku sugan Saldhigooda Buulo-Mareer iyo Al-Shabaabkii.

Warbaahinta Dowladda ayaa sheegtay in xubno ka mid ah Al- Shabaab weerarka lagu dilay isla markaana dagaalka ay soo afjareen ciidanka ATMIS gaar ahaan kuwa Uganda.

Kooxda Al- Shabaab ayaa sidan oo kale weeraro ugu gaystay marar badan fariisimaha ciidanka Dowladda iyo kuwa ATMIS ee gobolada dalka.