Cadaado (Raxanreeb) — Ciidamada Xoogga Dalka, iyo Daraawiishta Galmudug kuwa deegaanka ayaa howlgal qorsheysan ka fuliyay howdka u dhaxeeya degmada Xarardheere iyo deegaanka caad, gaar ahaan aagga Bacaadka Faarax Aadan iyo Deegaan.

Ciidamada huwanta ah ayaa halkaas dagaal xooganaa kula galay Al-Shabaab, waxaana Wasaaradda Amniga Galmudug sheegtay in howgalkaas lagu soo qabtay maxaabiis wata hubkii ay ku dagaallamayeen, waxeyna ciidamada la wareegeen furimihii lagu dagaallamay.

Ciidamada ayaa wali ku raad-jooga Xubnaha katirsan Al-Shabaab ee la dagaallamay ciidamada huwanta ah, kuwaas oo khasaaro ku gaarsiiyay.

Madaxweynaha Galmudug oo shir guddoomiyay kulan ujeedkiisu ahaa dardargelinta howlgallada lagu xoreynaayo Galmudug ayaa ciidamada huwanta ah ku boggaadiyay kaalintooda naf-hurnimo iyo sida ay uga go’antahay ciribtirka Al-Shabaab..