Muqdisho (Raxanreeb Online) Wasiirka wasaaradda Gaadiidka iyo Duulista Hawada Soomaaliya ayaa si rasmi ah u shaaciyay in dowladdu ay dhowaan dib u hawlgelin doonto shirkaddii diyaaradaha ee Somali Airlines.

Tallaabadan oo soo afjaraysa in ka badan soddon sano oo ay hawada ka maqneyd astaantii qaran ee duulista, ayaa dib u soo celinaysa rajada shacabka Soomaaliyeed.

Sidoo kale Wasiir Faarax ayaa hoosta ka xariiqay inuu jiro dardar xooggan iyo u diyaargarow qaran oo ku aaddan soo nooleynta shirkadda, isagoo sheegay in dowladdu ay meel geba-gebo ah marinayso qorshayaashii hawlgalka.

Ugu dambeyn wasiirka gaadiidka iyo duulista hawada, ayaa rajo weyn ka muujiyay in Somali Airlines ay duulimaadyadeeda dib u billaabi doonto ka hor dhammaadka sanadka 2025-ka, oo toddobaadyo un ay ka hareen, isagoo sidoo kale daaha ka rogay in afar shirkadood oo caalami ah ay dhowaan kusoo biiri doonaan duulimaadyada Soomaaliya.