Boosaaso (Raxanreeb )-  Magaalada Boosaaso ee gobolka Bari ciidanka amniga ayaa ka wada  howlgal ay ku doonayaan in ay ku sugaan amniga magaalada.

Howlgaladan ayaa salka ku haya  ka dib falal amni darro oo ka dhacay xaafado ka mid ah magaalada Bosaaso ee gobolka Bari.

Saraakiisha amniga aya sheegay in howlgaladan ay  yihiin kuwo lagu doonayo in wax lagaga qabto dhibaatooyin ka dhacay gudaha magaalada.

Shalay  ciidanka ayaa gacanta ku soo dhigay eedaysana  ay sheegeen inuu ku lug lahaa dil magaalada Bosaaso  loogu gaystay AUN guddoomiye kuxigeenkii maamulka iyo maaliyadda Jaamacadda Bariga Afrika Khaalid Cali Khaalid Awmuuse.