Muqdisho (Raxanreeb ) Waddooyin  ka mid   ah magaalada Muqdisho waxaa ka soconaya howlgal ay wadaan ciidanka amniga ee Dowladda Soomaaliya kuwaas oo maalmahan noqday kuwo joogta ah .

Hase ahaatee waxaa  muuqanaya in  askarta   taagan goobaha ay ka socdaan howlgalada si gaar ah ay u beegsanayaan haweenka xijaaban iyo raga xiran  cimaadaha iyo qamiisyada.

Dumar  badan oo  xijaaban ayaa ciidanka Dowladda  Soomaaliya si qasab ay kaga  fureen indha shareerka  halka rag badan laga dhigay cimaadaha iyo qamiisyada .

Arintan waxay keentay walaac laga qabo hab dhaqanka askarta Dowladda ee howlgaladaas ka  wada magaalada Muqdisho waxaana  soo baxay caro badan oo laga  muujinayo.

Dadka ku nool magaalada Muqdisho ayaa baraha bulshada iskula wadaagay sida arintan a u tahay wax keeni karta dhaawac xaga Dowladnimada ah haddii amni la sugayo ay tahay in loo maro sida saxda ah .

Meelo badan oo magaalada Muqdisho ah ayaa arintan si aad ah maalmahan ay uga socotay , taa soo keentay in xilligan dadka cabsi ay ka muujiyaan hab dhaqankan cusub ee dumarka loogu xag gudbayo.

Falanqeyayaasha  ayaa sheegaya in haddii ay sii socoto talaabadan ay keeni karto in ay  kala  fogaadaan ciidanka iyo dadka shacab ah maadama si aan habanoonayn hadda dowladda u qaadayso talaabooyin aan la mahdin.