Muqdisho (Raxanreeb ) Inta la xaqiijiyay ilaa seddax qof ayaa ku geeriyooday tiro kalena waa ay ku dhaawacmeen ka dib dhismo ku dumay oo ku yaala degmada Kaaraan ee magaalada  Muqdisho.

Qoyskan ayaa deganaa meel kaabiga ku hayso dhabarka ka dambe ee halka dhismahan uu ka socday sida ay sheegeen dad halkaas ku sugan oo warbaahinta la hadlay.

Lama sheegin ilaa iyo hadda waxa keenay in dhismahan uu soo dumo ee waxyeelada gaystay waxase caasimada ka da’ ay roob xoogaan oo dhankiisa khasaare gaysanaya.

Cida nagu dhaganeyd saddex gabdhood ayaa ku dhimatay, annagana laba qol ayaa naga duntay, laakiin waxba nama gaarin waa fakanay” sidaas waxa sheegay qof goobjooge ah oo ku sugan halka dhacdadan ay ka dhacday.

Wararka ayaa intaasi kusii daraya in mid kamid ah haweenka ay ahayd Umul, isla markaana ay kamid noqotay dadka ku dhintay mashaqadaasi.

Maamulka degmada Karaan xubno ka socday ayaa gaaray halka shilkan uu ka dhacay ee Sanca oo uu ka socday dhismaha ku soo dumay Qoyskan taas oo aragagax ku abuurtay dadka degmadaas ku nool.