Ukraine ( Raxanreeb Online) Ciidamada Ukraine ayaa isaga baxay bariga magaalada Siversk ee ay xiisaddu ka taagan tahay, iyadoo Ruushku uu sii wado joogteynta duulaankiisa – walow uu si gaabis ah u socdo.

Milateriga Ukraine ayaa sheegay Talaadadii inay u baxeen “si loo ilaaliyo nolosha askarteena iyo awoodda dagaalka ee cutubyada”, iyagoo intaa ku daray in ciidamada Ruushku ay “faa’iido weyn ka heleen tirada ciidamada ay haystaan”.

Qabashada Siversk waxay keenaysaa Ruushka inuu ku dhawaado “qalcadaha silsiladda ah” magaalooyinka loo yaqaan ee Sloviansk iyo Kramatorsk oo weli ku jira gacmaha ciidmada Ukraine ee gobolka warshadaha, Donetsk.

Horaantii maalintaas, saraakiishu waxay sheegeen in saddex qof – oo uu ku jiro ilmo yar – lagu dilay duqeymo ba’an oo habeen-hore ah oo diyaaradaha aan duuliyaha lahayn ee Ruushka iyo gantaallo ay ku garaaceen Ukraine