Ankara (Raxanreeb online) – Magaalada Muqdisho waxaa ka socda dhaqdhaqaaq lagu soo dhaweynayo wafdiga sare Dowladda Turkiga ka socda kaas oo hordhac u ah Madaxweyne Recep Tayyip Erdogan oo Soomaaliya kusoo imaanaya dhowaan.

Wafdiga Turkiga ee Muqdisho imaanaya waxa ay gogol xaar u noqonayaan soo dhaweynta Madaxweyne Recep Tayyip Erdogan iyo xubnaha kale ee safarka ku wehlinaya si guddigaas ula shaqeeyo kan Dowladda Federaalka Soomaaliya diyaarisay.

Goobaha loogu talagalay in uu maro ama uu tago Madaxweynaha Turkiga waxaa ka socda diyaarin xooggan sida in lagu sii dhejiyo Calanka Dalkaas, Sawirka Madaxweyne Erdogan iyo waxyaabaha kale ee lagu muujinayo soo dhaweyntiisa.

Recep Tayyip Erdogan ayaa inta uu Muqdisho ku sugan yahay waxa uu la kulmi doonnaa dhiggiisa Soomaaliya Xasan Sheekh Maxamuud iyo mas’uuliyiin kale oo Dowladda Federaalka & Dowlad-Goboleedyada qaarkood katirsan.