Muqdisho (Raxanreeb ) Magaalada Muqdisho waxaa ka jira xilligan xaalado adag oo  raadaad aan wanaagsan ku reebay shacabka ku nool magaalada Muqdisho , taas oo keentay in xitaa Dowladda Soomaaliya ciidamo hor leh ay gayso degmooyinka qaar ee caasimadda.

Dad badan oo ku nool magaalada Muqdisho ayaa sheegaya  in dhibaato badan ay kala kulmaan si joogta ah ciidanka Dowladda ee ka howlgala degmooyinka magaalada Muqdisho xiliyada habeenkii.

Walwalka badan ayaa dadka sheegayaan in ay tahay waxa ay yeeli doonaan maalmaha ciida ee ah maalmaha ugu mashquulka badan ee degmooyinka magaalada oo dadka qaarna ay ka cabanayaan falalka amni darro ee aan lagu guulaysan in wax laga qabto.

Maamulka  gobolka Banaadir oo xoog ku bixinaya wax ka qabashada xaaladaha amniga ayaa hadana waxaa docda kale  muuqanaysa in magaalada uu kala gooyay biyo badan oo ka dhashay roobka ka bilowday caasimadda.

Waa laba dhibaato oo dul Hogan shacabka magaalada Muqdisho ku nool oo marka aad la sheegaysato ku sheegaya in ay yihiin kuwo go’doosan  hase ahaatee ay dhawrayaan in wax laga qabto labada dhib ee isbiirsaday.

Dad xog- ogaal ah oo RBC la hadlay ayaa sheegay in caqabadaha ka jira caasimadda keliya loogu gudbi karo in amniga la hoos geeyo maamulka gobolka Banaadir meesha ay uga baxdo isku tuur- tuurka ah cida leh masuuliyadda amniga

Si kastaba magaalada Muqdisho waa ay ka socdaan howlgalada hadana dhanka kale waxa ka socda dhaca dadka rayidka ee isku diyaarinaya maalmaha ciida ,lamase oga sida loogu guulaysan doono wax ka qabashada xaaladaha is biirsaday ee daka caasimadda.