Gaalkacyo (Raxanreeb )- Sid ay sheegayaan wararka Raxanreeb ay ka helayso deegaano ka mid ah  gobolka Mudug xabad joojin ayaa la dhaxdhigay beelo ku dagaalamayay gobolka  Mudug.

Magaalada Gaalkacyo ayaa waxa ka socday labadii maalin ee la soo dhaafay dadaalo lagu doonayay in lagu joojiyo dagaal beeleedyada ka jiray deegaano ka mid ah gobolka Mudug.

Xubno ka kala socday Puntland iyo Galmudug ayaa ku guuleystay inay xabad joojin kala dhex dhigaan labo maleeshiyo beeleed oo ku dagaalamay deegaanka Jijboor ee galbeedka gobolka Mudug.

Talaabadan waxaa si aad ah u soo dhaweeyay bulshada gobolka Mudug ku nool kuwaas oo u baahi qabay in la joojiyo dagaal beeleedka soo noq noqday ee halkaas ka jira.