Kismaayo ( Raxabreeb ) Ciidamada Xoogga Dalka iyo ciidamada ammaanka Jubbaland ayaa Kooxda Al- Shabaab kala wareegay deegaanka Janaay Cabdalle oo 60 KM dhanka Galbeed kaga beegan magaalada Kismaayo ee gobolka Jubbada hoose.

Ciidamada ayaa si nabad ah kula wareegay deegaankaan Muhiimka ah, baaris ayay ka wadaan ciidamadu xaafadaha Magaalada,Taliska Qeybta 43-aad ee xoogga dalka ayaana xaqiijiyay in Khawaarijta laga ceyriyay deegaankaas Birta dheer.

Saraakiisha maamulka Jubbaland ayaa sheegay in keliya aysan ku ekaan doonin ciidanka deegaanka Janaay Cabdalle balse qorshuhu yahay in ay gaaraan deegaanada kale ee ka maqan gacanta maamulka.

Madaxwaynaha Jubbaland Axmed Madoobe ayaa dhawaan sheegay in ciidanka Jubbaland ay qaadi doonaan guluf colaadeed oo ka dhan ah kooxd Al- Shabaab.