Masagawaa (Raxanreeb online) – wararka ka imaanaya Gobolka Galgaduud gaar ahaan Magaalada Masagawa ayaa kusoo warramaya in uu halkaas uu ka dhacay dagaal dhexmaray ciidamada Dowladda Federaalka Soomaaliya oo garabsanaya kuwa deegaanka Macawiisleyda iyo ‘AS’

Dagaalka ayaa ku billowday Gaadiid ‘AS’ ay kusoo rareen Walxaha qarxa, kaddib waxaa xigtay rasaas toos ah oo dhexmartay Ciidamada iskaashanayay ee federaalka iyo kuwa deegaanka oo dhinac ah & ‘AS’ oo duullaankaan qaadday.

Khasaaraha inta uu gaarsiisan yahay lama xaqiijiyen, waxaa lasoo wariyay in dhinacyada dagaalamay dhimasho iyo dhaawac kasoo gaaray dagaalkaas & qaraxa ka horreeyay sida ay Mustaqbal u sheegeen ilo kala duwan.

Waxaa maqan Isgaarsiinta Masagawaa & deegaanno kale oo hoostaga, si dhab ah looma sheegin sababta hawada ka saartay, waxaa adag in la helo xogo ka madaxbannaan dhinacyada dagaalamay si loo ogaado khasaaraha inta uu gaarsiisan yahay.