Muqdisho (Raxanreeb) Ciidanka sida gaarka ah u tababaran ee Haramcad & kuwa Duufaan ee NISA ayaa howlgal qorshaysan ka fuliyay deegaanka Basra oo kuyaalla duleedka degmada Deeyniile  iyo deegaanno kale oo ku dhow dhow, halkaas oo ay ku sugnayeen Xubno katirsan Ururka Al-Shabaab.

War kasoo baxay Saraakiisha Ciidamada howlgalka fuliyay ayaa waxaa lagu sheegay in howlgalka lau dilay Xubno badan oo katirsan Ururka Al-Shabaab, isla markaana ay la wareegeen Maxkamaddii  Al-Shabaab ee degaanka Basra.

Sidoo kale waxaa ay sheegeen in ay gacanta kudigeen Xubno katirsan Ururka Al-Shabaab, isla markaana ay sii daayeen dad shacab ah oo ganacsato ay ku jireen kuwaasi oo Al-Shabaab u xirnaa.

Wararka ayaa sheegaya in dagaal xooggan uu degaanka Basra oo u dhaxeeya Muqdisho iyo Afgooye ee Gobolka Shabeellaha Hoose ku dhexmaray Ciidamada dowladda iyo Al-Shabaab, waxaana dagaalka ku dhaawacmay Xidigle Salaad Maxamed Cali oo kamid ahaa Saraakiisha howlgalka hoggaaminesay.