Muqdisho (Raxanreeb) — Warar dheeraad ah, ayaa kasoo baxaya dagaal qaraar oo u dhaxeeya labo beelood oo walaalo ah, kaas oo ka dhacay gobolka Mudug, halka uu geeystay khasaare isugu jira dhimasho iyo dhaawac.

Malleeshiyo ayaa ku dagaallamay baadiyaha u dhexeeya degaannada Towfiiq iyo Afbarwaaqo oo kawada tirsan bariga gobolka Mudug.

Dagaalkan ayaa saaka ka bilowday halka deegaan lagu magacaabo Buq oo khiyaastii 7KM u jira degaanka Towfiiq ee gobolka Mudug halkaasi oo maalmahan laga dareemayay xiisad la xiriirta dagaal beeleedkaasi.

Wararka ayaa sheegaya in dagaalkaasi dhexmarayo laba maleeshiya-beeleed oo ka soo kala jeeda degaannada Towfiiq iyo Afbarwaaqo kuwaas oo marar badan horey ugu dagaallamay degaannadaasi.

Sidoo kale dagaalkan ayaa waxaa ku geeriyooday inta la xaqiijiyay 6 halka dhaawacana uu intaasi ku dhowyahay.

Maalmo ka hor ayay ahayd maleeshiyaadka labada dhinac ayaa is rasaaseeyn ku dhexmartay dhulka miyiga ah ee u dhexeeya Towfiiq iyo Afbarwaaqo taasi oo sii hurisay xiisaddii taagnayd.

Gobolka Mudug, ayaa inta badan waxaa ka taagan xiisado u dhaxeeya malleeshiyo beeleed kuwaas oo soo lalaabtay inta badan taasi oo weli aan maamulka xal ka gaarin.