Seol (Raxanreeb) — Ra’iisul Wasaaraha Xukuumadda Federaalka Soomaaliya, Xamsa Cabdi Barre, ayaa ka qayb galay shir madaxeedka Kuuriyada Koonfureed iyo Afrika oo maanta si rasmi ah uga furmay magaalada Seoul ee dalka South Korea.
Shirka oo ah kii ugu horreeyay ee noociisa oo ay ka qayb-galayaan madaxda Afrika iyo Jamhuuriyadda Kuuriya ayaa ra’iisul wasaare Xamsa waxa uu galabta ka jeedin doonaa khudbad madasha shirkan hadda socda.
Ra’isulwasaare Xamsa Barre, ayaa khudbadiisa kaga hadli doono qodobo dhawr ah oo ay kamid yihiin fursadaha maal gashi iyo iskaashi ee dhinaca ganacsiga ee ka jira Soomaaliya iyo dadaalka ay wado xukuumaddiisa Soomaaliya.
Shirkan oo ah, kii ugu horreeyay ayaa magaalada Seoul, ee caasimada dalkaasi ka socon doono muddo dhan 4 illaa 5 Juun ee sanadkan 2024-ka.
Shirkan ayaa diiradda lagu saari doonaa xiriirka soo jireenka ah ee Koonfur Kuuriya, iyo dalalka Afrika, gaar ahaan dhinaca iskaashiga oo ay ugu muhiimsan tahay horumarinta ganacsiga iyo maalgashiga.
Sidoo kale waxaa lagu eegi doonaa sidii iskaashi looga yeelan lahaa kaabayaasha dhaqaalaha iyo ganacsiga arrimaha horutabinta u leh dalalka Afrika, sidoo kalena Isbaddelka Cimillada, saameeynta ay ku yeelatay dalalka Afrika.
Xamsa Barre, oo shirkan ku matalaya Soomaaliya, ayaa kulamo duceedyo la yeelan doona madaxda kasoo qeeyb-galeysa shirkaasiee isagoona kala hadli doona arrimaha Soomaaliya.
