Muqdisho (Raxanreeb ) Isbitaalada  magaalada Muqdisho , waxaa  lagu dawaynayaa qaar ka mid ah  ciidamo ku soo waxyeeloobay qaraxyo ka dhacay degmada Buulaburde ee gobolka Hiiraan.

Dhaawacyadan ayaa Dowladda Federeelka Soomaaliya diyaarad gaar ah waxa ay kaga soo qaatay , Degmada Buulaburde , halkaas oo ay ka socdaan howlgalada ka dhan ah Al- Shabaab.

Saraakiisha caafimaadka isbitaalada magaalada Muqdisho ayaa sheegay in qaar ka mid ah dadka soo dhaawacmay ay xaaladooda aad u liitaan , halka kuwo kalena ay soo hagaagayso xaaladooda.

Dhaawacyada oo ay la socdeen mas’uuliyiin kala duwan ayaa gaarayay 17 Ruux, waxaana Garoonka diyaaradaha Muqdisho uga hortegay  Agaasimaha hey’adda maareynta masiibooyinka Qaranka.

Qaraxii ka dhacay degmada Buulo-Burde ayaa waxaa lagu burburiyay Buundadii degmadaas, halka qaraxii ka dhacay degmada Jalalaqsi lagu dilay Guddoomiyihii iyo duqii degmadaas.

Masuuiyiintan ayaa maanta oo Khamiiis ah waxaa lagu aasi doonaa  degmada Buulabude , waxaana ka qayb gali doona aaskooda masuuliyiin ka tirsan  maamulka gobolka Hiiraan.