Dhuusmareeb (Raxanreeb ) Maamul goboleedka Galmudug  ayaa ka hadlay dagaalkii iyo qaraxyadii saakay ka dhacay Deegaanka Qaayib ee Gobolka Galgaduud ee Maamul Goboleedka Galmudug.

Wasiirka Warfaafinta  Galmudug Axmed Shire Falagle ayaa sheegay in dagaalyahano ka Tirsan Shabaab ay saakay werar kusoo qaadeen deegaanka Qaayib,ayna doonayeen in ay la wareegaan deegaanka.

Wuxuu sheegay in Ciidamada dowladda iyo dadka degaanka ay weli ku raad joogaan Xubnaha katirsan Al-Shabaab ee soo weeraray isla markaana ay degaano dhowr ah kala wareegi doonaan.

Wasiirka Warfaafinta Maamulka Galmudug Axmed Shire Falagle oo hadalkiisa sii wata ayaa sheegay in shabaab saakay lagu jabiyay deegaanka Qaayib,ayna mar kale soo qaadeen dagaal kale.

Ciidanka Dowladda Federaalka, Daraawiishta DGalmudug oo kaashanaya Dadka Deegaanka ee loo yaqaan Macawiisleyda ayaa gacanta ku dhigay deegaanka Qaayib oo maalmo ay u xusul-duubayeen sidii Al- Shabaab  ay uga saari lahaayeen.