Baydhabo (Raxanreeb ) Wararka aan ka helayno magaalada Baydhabo ee gobolka Baay ayaa sheegaya in halkaas ay ka dhaceen iska hor imaadyo iyo hoobiyaal lagu gaaracay magaaladaas.

Weerarka waxa uu u dhaxeeyay ciidamo ka wada tirsan maamulka Koonfur Galbeed , waxaana la sheegay dhimashada afar askar oo dhinacyada dagaalamay ah.

Lama og waxa ay salka uu ku hayo dagaalka ciidamo ka wada tirsan  koonfur Galbeed uu ku dhaxmaro duleedka magaalada Baydhabo ee gobolka Baay.

Dhanka kale waxaa lagu soo waramayaa in kooxda Al- Shabaab weeraro ay ka gaysteen  gudaha magaalada Baydhabo ee gobolka Baay.

Hoobiyaal ayaa la sheegay in kooxda Al- Shabaab ay ku weeraradeen magaalada Baydhabo , waxa ayna qaarkood ku dhaceen hoobiyaasho goobo aan la deganayn.

Ugu yaraan saddex madfac ayaa kusoo dhacay gudaha magaalada, kuwaas oo cabsi ku beeray dadka deegaanka, maadaama ay aheyd xilli habeen ah.

Maalmihii u dambeeyay xaaladda Baydhabo ayaa aheyd mid kacsan, waxaana sidoo kale culeys xoogan soo saartay kooxda Al-Shabaab oo go’doon ganacsi gelisay magaalada.

Baydhaba ayaa ah magaallo weyn oo ku taalla Koonfurta Soomaaliya waxaana ay hoy u tahay boqolaal shacab ah oo qaarkood usoo barakacay gudaha magaaladaasi.