Garoowe (Raxanreeb ) Qaar ka mid ah haweenka Puntland iyo Haween kale oo  ka yimid deegaanada SSC-Khaatumo ayaa sheegay inay caawa seexanayaan afaafka hore ee xarunta golaha wakiilada Puntland.

Wararka RBC uu ka helayo caawa magaalada Garoowe ayaa sheeegaya in magaalada uu ka socdo dadaal lagu doonayo in fadhiga Barlamaanka ee beri uu khalalase ka dhasho.

Hooyooyinka caawa isugu soo baxay magaalada Garoowe ayaa ku baaqaya  in laga baaqsado wax kasta oo keeni kara  gacan ka hadal wax kastana lagu dhameeyo wada- hadal.

Magaaalada Garoowe ayaa waxa ka jira dhaq dhaqaaq iska soo horjeeda oo u dhaxeeya xubnaha mucaaradka iyo kuwa taabacsan Madaxwaynaha waqtiga uu ka dhamaanayo ee Saciid Deni.

Si kastaba maalinta beri oo khamiis ah ayaa loo balansan yahay in golaha wakiilada Puntland uu meel mariyo xeerka Doorashooyinka Puntland

wixii ku soo kordha kala soco.

www.raxanreeb.com