Ceerigaabo (Raxanreeb online) – Warar kala duwan ayaa kasoo baxaya dagaal haatan ka socda magaalada Ceerigaabo ee xarunta gobolka Sanaag kaas oo u dhexeeyo ciidamada Somaliland iyo kuwa SSC-Khaatumo.

Ilo dadka deegaanka ah aha ayaa sheegay warbaahinta in dagaalka uu xoogan yahay isla markaana uu kusii fidayo duleedka bari ee magaaladaasi.

Illaa 15 qof ayaa lasoo wariyay in ay ku dhinteen dagaalkas oo soo bilowday shalay iyada oo mar kale dhinacyada isku laabteen saaka taas oo xaaladda uga sii dartay.

Sidoo kale barakac ay sameynayaan dadka deegaanka ayaa ka socda Ceerigaabo maadaama ay xaaladdu faraha ka baxday mana jiro wax hadal ah oo kasoo baxay SSC iyo Somaliland.

Dhinacyada dagaalamaya ayaa waxay ay helayaan gurmadyo taas oo keeni karto in dagaalka uu sii xoogeysto.