Bosaaso (Raxanreeb ) – Wararka  maanta oo Axad ah Raxanreeb uu ka helayo gobolka Bari ee Puntland ayaa sheegaya in   ciidanka difaaca Puntland ay qaadeen golof ka dhan ah kooxda Daacish.

Ujeedka ayaa ahaa loo loo ciribtiri lahaa kooxda daacish oo in mudda ah ku dhuumaalaysanayay deegaanada gobolka Bari gaar ahaan Calmiskaad iyo buuraha Galgala.

Saraakiisha  horkacaysa howlgaladan ayaa sheegaya in kooxda Daacish maanta markale loogu dhacay  godadka isla markaana la naafiyay  kuwa Kalena gacanta lagu dhigay.

Sidoo kale saraakiisha ayaa sheegay in ay la wareegeen taliskii ay Daacish ku lahaayeen halka lagu magcaaabo Buqa-Caleed, waxaana goobtan Daacish ugu yaallay guryo dhagxaan shub ah ka sameysan.

Ciidamada Puntland oo wada wajigii saddexaad ee dagaalka ka dhanka ah kooxda Daacish, ayaa sidoo kale isku dayaya in ay gaaraan talisyo iyo goobo kale hor leh oo muhiim u ah kooxda Daacish,

Hanad Ali Guled

Raxanreeb