Balcad (Raxanreeb) Warar kala duwan ayaa ka soo baxaya dagaal ciidanka Dowladda Federaalka & kooxda Al- Shabaab ku dhaxmaray deeganka Ruun- Nirgood ee Shabeelaha Dhexe.

Dowlada Soomaaliya ayaa sheegtay in dagaalkaas lagu jabiyay kooxda Al- Shabaab.

Saraakiil ka tirsan Dowladda Soomaaliya ayaa sheegay in dagaal labada dhinac ay ku dhinteen sida ay hadalka u dhigeen xubno ka tirsan Dowladda Federaalka Soomaaliya.

Goobjoogayaal ayaa sheegay in ay arkeen dhimashada  ilaa shan qof oo labada dhinac ah , oo Dowladda iyo kooxda Al- Shabaab.

Deegaanka Ruun- Nirgood ayaa ka mid ah deegaanada sanadaha badan ay maamulayeen kooxda Al- Shabaab waxaana marar badan ka dhacay dagaal dhimasho iyo dhaawac gaystay.

Al- Shabaab ayaa deegaankaas kol hore waxa ay ku qaadeen weerar ku bilowday qaraxyada , halkaas oo ay ku dhinteen saraakiil ka tirsan Dowladda  Federaalka Soomaaliya.