Muqdisho (Raxanreeb ) Maalin ka  hor waxaa soo baxayay warar ku saabsan in magaalada Muqdisho meelo ka mid ah la soo galiyay qaraxyo si loogu waxyeelo meelo ka mid ah magaalada Muqdisho.

Dhawr goobood oo ay ku jirto degmada Dayniile ayaa ka mid ah meelaha lagu sheegay in bartilmaameedku uu yahay Ururka Al- Shabaab oo marar badan caasimadda ka  fuliyay weeraro qaraxyo ah.

Saaka waxaa qarax nuuca miinada dhulka lagu aaso lala eegtay gaari nuuca dagaalka ah ee loo yaqaan Cabdi Bilaha oo marayay laamiga dheer ee Dayniile, waxaana qaraxan khasaaro kasoo gaaray dad shacab ah .

Waxaa lagu waramay in qaraxan uu waxyeelo uu ka soo gaaray ciidanka lala eegtay  iyo dad shacab ah oo marayay Aargada – Degmada Dayniile oo ah halka qaraxa uu ka dhacay maanta.

Maamulka degmada Dayniile ee gobolka Banaadir  weli ma jiro wax hadal ah oo ka soo baxay oo ku aadan qaraxaasi ka dhacay degmada Dayniile ee gobolka Banaadir.

Dadka deegaanka ayaa sheegaya in xaalada hadda ay tahay mid degan  waxaana jira warar soo baxaya oo sheegay in ay jiraan dad ku waxyeeloobay rasaas ay fureen ciidanka Dowladda  in kastoo tiro koob rasmi ah laga hayn.