Dhuusmareeb (Raxanreeb ) Wararka Raxanreeb uu ka  helayo  degaanada Galmudug gaar ahaan dhuusmareeb  ayaa sheegaya in halkaas ay ka baxsadeen saldhiga maxabiis   loo haysto dambiyo kala duwan.

Saraakiil  ka  tirsan Galmudug ayaa sheegay in ay wadaan sababaha  keenay in saldhiga magaalada Dhuusmareeb ay ka baxsaan maxabiis eedo dhawr ah loo haystay.

Sida aan wararka ku helnay afar nin oo kamid ahaa maxaabiista ku xirnaa saldhigga booliiska magaalada Dhuusomareeb ayaa baxsaday, waxaana saddex kamid ah ragan ku xukunaayeen dil toogasho ah oo maxkamad ku riday.

Waxaa  lagu  soo  waramayaa in magaalada Dhuusmareeb ay ka bilowdeen howlgal ciidanka maamulkaas ay ku doonayaan in ay  gacanta ay ku soo dhigaan xubnaha ka baxsaday saldhiga.

Taliska booliiska saldhigga Dhuusomareeb ayaa xaqiijiyay jiritaanka maxaabiista xabsiga ka baxsatay.

Waxaa jira shaki laga qabo in maxaabiistan in xabsiga magaalada Dhuusmareeb ka baxsadaan loo fududeeyay, mana jiro faah faahino badan oo booliiska ka bixiyeen baxsashada ragga dilka ku xukunaa iyo qaabka ay u baxsadeen