Dangorayo (Raxanreeb )- Shil gaari oo sababay khasare ayaa ka dhacay Deegaanka Dangorayo oo katirsan Gobolka Nugaal ee dowlad Goboleedka Puntland, waxaana goobta uu shilku ka dhacay  ka soo baxaya warar isi soo taraya.

Gaariga oo ahaa noocaa xamuulka qaada ayaa ka soo baxay magaalada Bossaaso ,wuxuuna u socday magaalada Garoowe, inta la xaqiijiyayna ma jiraan wax dhimasho iyo dhaawac ah oo uu sababay,  balse waxaa ka dhashay burbur hantiyeed oo baaxad leh.

Sawirro goobta laga soo qaaday ayaa muujiyay gaariga oo dhinac u yaalla iyo alaabo badan oo dhulka daad, mana cadda sababta keentay shilka.

Wadada isku xirta magaalooyinka Boosaaso iyo Garoowe ayaa kamida jidadka ay shilalka ugu badani ka dhacaan guud ahaan Soomaaliya, waxaana la xasuusanyahay dad badan oo xilliyo kala duwan halkaa ku dhintay.