Sida ay wararka sheegayaan dad badan ayaa ku dhintay duqeyntii ay xalay Iiran ku qaaday Israa’iil, sida laga soo xigtay adeegga gurmadka qaran ee Israa’iil.

Tani waxay tirada guud ee dadka lagu dilay Israa’iil ka dhigaysa ugu yaraan 19 qof tan iyo Jimcihii markii ay labada waddan bilaabeen inay weerarro qaadaan.

Dhanka kale, wasaaradda caafimaadka Iran ayaa Axaddii sheegtay in duqeymaha Israa’iil ay ku dhinteen 224 qof guud ahaan dalkaas tan iyo Jimcihii.

Adeegga gurmadka ayaa sheegaya inay daad gureeyeen 92 qof oo dhaawac ah, oo ay ku jirto haweenay 30 jir ah oo xaaladdoodu halis tahay, kuwaas oo wejiga dhaawacyo ka gaaray, lix xaaladood oo dhexdhexaad ah iyo 85 dhaawacoodu fudud yahay.