Muqdisho (Raxanreeb) — Kooxo la sheegay inay ahaayeen Ciyaal weero yihiin ayaa xalay waxaa ay degmada Dharkeenleey ee Gobolka Banaadir kudileen wiil dhallinyaro ah, iyaga oo goobta ka baxsaday.

Marxuumka oo lagu magacaabijiray Ciise Sheekh Ibraahim ayaa dilkiisa ay Ciyaal weerada u adeegsadeen Toorrey xilli uu marayay inta u dhexeysa Dabaqeenka iyo Suuq liif ee degmada Dharkeenley.

Ciidamo katirsan kuwa dowladda Soomaaliya iyo ehelkiisa ayaa tegay goobta uu falka ka dhacay, iyaga oo Xarunta Hay’adda dambi baarista ee CID-da geeyay meydka Wiilka yar ee toorreyda lagu dilay.

Waalidiinta Marxuum Ciise Sheekh ayaa dalbaday in Caddaalad loo helo dilka Wiilkooda, iyaga oo sheegay in Ciyaal weero ay dhibaato kuhayaan Shacabka Gobolka Banaadir gaar ahaan dadka kunool degmada Dharkeenley.