Gaalkacyo (Raxanreeb )- Wararka Raxanreeb ay ka helayso gobolka Mudug ayaa sheegaya  in maanta oo Khamiis ah markale dagaal uu ka qarxay deegaano  ka tirsan gobolka Mudug halkaas oo in muddo ahba dagaalo ay ka socdeen .

Dagaalkan ayaa lagu soo waramayaa in xoogiisa uu maanta ka dhacay  deegaanada Jiicboore iyo labada Meegaag oo ka tirsan gobolka Mudug.

Sida wararka aan helayno ay sheegayaan dagaalkan ayaa ah mid u dhaxeeya Beelaha Sacad iyo Leelkase oo kasoo kala jeeda maamulada Puntland iyo Galmudug.

Waxaa lasoo sheegayaa in ay jiraan khasaarooyin isugu jira dhimasho iyo dhaawac oo labada dhinac soo kala gaaray, waxaana aagga dagaalka ka socdo gaaraya ciidamo gurmad ah oo labada dhinac kala gaaraya.

Dagaalka u dhaxeeya labada beel ee dagaalka saakay u dhaxeeyo ayaa marar badan soo noq noqday, waxaana fashilmay heshiisyo dhowr ah iyo xalal horey looga gaaray colaada labada beel u dhaxeeya.