Baardheere ( Raxanreeb ) Warar aan ka helayno degmada Baardheere ee gobolka Gedo ayaa sheegaya in halkaas , markale daadad xoog badan ay ku soo rogmadeen.

Dad ku sugan degmada Baardheere ayaa sheegaya in dhibaatada ugu badan ay gaartay xaafada lagu magacaabo Buula- Kurmaan halkaas oo guryo badan ay ku baa’ been.

Roob dabaylo wata oo ka da’ ayay saacado – badan ayaa sababay in xaafado badan ay biyuhu galaan isla markaana dadka qaar ay isaga cararaan guryahahooda.

Ilaa iyo hadda lama soo sheegin khasaare ka dhashay dadaadkan ku dhuftay degmada Baardheere ee gobolka Gedo waxase jira walwal laga qabo in meelaha qaar uu dhibaato ka gaystay.
Waa markii labaad oo daadad sidan oo kale ah ay ku dhuftaan degmada Baardheere ee gobolka Gedo todobaadkan oo keliya.

Maamulka degmada ayaa ku baaqaya in gurmad deg deg ah lala soo gaaro dadka masiibadu ay haleeshay ee ku nool xaafadaha degmada Baardheere ee gobolka Gedo.

Wixii ku soo kordha kala soco.
Www.raxanreeb.com.