Dhuusmareeb (Raxanreeb ) Al-shabaab ayaa saakey weerar qaraxyo ku billowday ku qaadey degaanka Masagawaa waxaana hadda socda dagaal toos ah oo u dhaxeeya Shabaabkii weeraray iyo ciidamada dowladda.

Dadka deegaanka ayaa sheegay in gudaha deegaanka iyo hareeraha laga maqlayo dhawaqa rasaasta culculus ee ay is waydaarsanayaan labada dhinac ee Al- Shabaab iyo ciidanka Dowladda.

Kooxda Al- Shabaab ayaa sidan oo kale marar badan salaada subax ka dib weeraro ugu fuliyay xarumo ay ku sugan yihiin ciidanka Dowladda iyo kuwa dadka deegaanka.

Inkastoo dagaalka uu socdo hadana lama oga khasaaraha uu gaysanayo maadama labada dhinac wax war ah aysan ka soo saarin dagaalka oo toos u soconaya.

Dagaalka ayaa yimid iyadoo Dowladda Soomaaliya ay waday qorshe ay ku doonayso in ay ku qaado gulufka howlgalada wajiga labaad ee ka dhanka ah Al- Shabaab.