Laascanood (Raxanreeb )  Maanta oo sabti ah waxa markale dagaal uu dhacay deegaano hoos yimaada  magaalada Laascanood ee gobolka Sool.’

Dagaalkan ayaa daba socda kuwo xiriir ah oo ka socday  magaalada Laascanood waxaana la sheegay in kan maanta uu yahay kii ugu qararaa

Hub culus ayaa laga maqlayay gudaha iyo hareeraha magaalada Laascanood halkaas oo ay ku dhacayaan hoobiyaasha la isku adeegsanayo.

Dagaalka oo ahaa mid culus ayaa ka dhacay aagga xerada Qoojacadde oo ay shalay iyo maantaba ay ku dagaalameen ciidamada labada dhinac.

Labada dhinac ayaa sidoo kale guullo ka kala sheegtay dagaalka maanta, waxaana Somaliland ay sheegtay inay qabatay gaadiid dagaal iyo sidoo kale tiro maxaabiis ah.

Waxaa wali socda dadaalada lagu doonayo in lagu dejiyo xaaladda magaalada Laascanood , inkastoo aan wali lagu guulaysan.

Dagaalkan ayaa galay bishii labaad oo xiriir ah, waxaana ka dhashay dhimashada boqolaal qof