Muqdisho ( Raxanreeb ) Tiro Hoobiyaal ah ayaa ku dhacay xaafado ka tirsan magaalada  Muqdisho iyada oo ay xiranyihiin waddooyinka caasimadda.

Hoobiyaashan ayaa lagu garaacay caasimadda iyadoo maanta oo Arbaca ah magaalada ay marti galinayso shirka dalalka safka hore .

Ilaa iyo hadda lama sheegin wax khasaaraha maadama inta badan maanta magaalada ay kala xiran tahay oo ay aad u yar tahay xogta laga heli karo.

Hoobiyaasha lagu garaacayo magaalada Muqdisho ayaa  soo noqnoqday, inta badana waxa ay waxyeello u geysata rayidka, mana jirto cid loo soo qab-qabtay oo Maxkamad la soo saaray.

Laamaha amniga Dowladda Soomaaliya wax faahfaahin ah ma aysan ka bixin weerarada hoobiyaasha ah ee maanta lagu garaacay xaafado ka mid ah magaalada Mudisho.