Boosooso ( Raxanreeb ) Madaxwaynaha Puntland Saciid Cabdullaahi Deni ayaa lagu wadaa in booqasho maalmo qaadan doonto uu ku tago magaala Xeebeedka Caluula ee gobolka  Bari.

Xubno ka tirsan  Xafiiska Warfaafinta Madaxwayne Saciid Cabdullaahi – Deni ayaa sheegay in baaqashada Saciid uu ay salka ku hayso kulamo uu la qaadanayo Odayaasha deegaanka.

Waxa uu salka – ku hayaa kulanka  ka hadalka arrimaha doorashooyinka iyo baahiyaha ka jira magaalo xeebeedka  Caluula ee gobolka Bari.

Ciidamo suga amniga oo horudhac u ah safarka Madaxwaynaha Puntland ayaa lagu soo waramayaa in ay gaareen magaalada Caluula sida ay sheegayaan wararka aan halkaas  ku sugan.

Safarkan ayaa lagu tilmaamay kii u horreeyay ee Siciid Deni Caluula ku tego tan iyo markii loo doortay Madaxweynaha Puntland 8 January 2019.