Dhuusmareeb (Raxanreeb ) Magaalada Dhuusmareeb ee gobolka galgaduud waxaa lagu dilay qof dhallinyara ahaa oo ka mid ahaa dadka deegaanka aadna looga yaqaanay magaaalada.

Dad ku sugan Dhuusmareeb ayaa sheegay in dilka wiilka dhallinyarada ah ay ka danbeeyeen koox hubaysan oo dilka ka dib goobta isaga baxsaday.

Dilkan ayaa la sheegayaa in salka uu ku hayo arrimo ku saabsan aar- goosi qabiil oo dilkan uu daba socdo dilal kale oo hore magaalada uga dhacay ama deegaanada kale ee Galmuudug.

Sida saraakiisha amniga ay ku warameen ciidanka maamulka Galmudug ay wadaan howlgal ay ku xaqiijinayaan amniga magaalada Dhuusmareeb.

Odayaal iyo waxgarad ayaa maalmahanba ku howlanaa sidii loo kala dhaxgali lahaa beelaha xurguftu u dhaxeeysa ee Dhuusmareeb iyo Cadaado ee maamulka Galmudug.