Muqdisho (Raxanreeb )Dablay ku hubeysnaa Bustoolado ayaa maanta xaafada Jungal oo katirsan degmada Yaaqshiid ee Gobolka Banaadir ay ku diley Gabar dhalinyaro aheyd oo lagu Magacaabi jiray Nicmo Cabdraxmaan.

Alle ha  u naxariistee marxuumadan ayaa kamid aheyd Shaqaalaha Isbitaalka Madiina ee magaalada muqdisho, sida ay sheegeen qaar kamid ah ehelkeeda

Dad Goobjoogayaal ayaa sheegay in xilliga la dilayay Nimco ay ku wajahneyd Goobteeda Shaqada ee isbitaalka Madiina

Ilaa  iyo hadda lama oga sababaha dilkeeda mana jirto cid sheegtay masuuliyada dilkaas Nimco maanta  loogu gaystay magaalada Muqdisho.

Laamaha Amniga gobolka Banaadir ayaan weli ka hadlin dilka Nimco, waxaana uu kusoo aadayaa xilli dowladda Soomaaliya ay siweyn u adkeysay amniga Magaalada