Dhuusmareeb (Raxanreeb ) Ciidanka Dowladda iyo Al- Shabaab oo ku dagaalamay Budbud, Kadib Weerar ciidamka ay ku qaadeen fariisimo ay ku sugnayeen Al- Shabaab.

Goobaha lagu dagaalamay waxaa lagu soo waramayaa in hadda ay  ku sugan  yihiin ciidanka Dowladda Soomaaliya

Dad ku sugan deegaanada dagaalada ay ka dhaceen ayaa sheegay in goobaha qaar ciidanka ay ka saareen miinooyin la galiyay xaaladuna hadda ay tahay mid degan.

Khaliif Cumar Macalin Nuur oo kamid ah saraakiisha ciidamada dowlada ee ku sugan deegaanka ayaa sheegay in ciidanku ay wadaan howlgallo ay iyo abaabulkii ugu dambeeyay.

Saraakiisha ciidanka Dowladda ayaa sheegay in maalmaha soo aadan sidoo kale gacanta ay ku dhigi doonaan goobo badan oo hadda ay ku sugan yihiin kooxda Al- Shabaab.

Gobolka Galgaduud deegananada Bariga ayaa waxa ka socda howlgallo ciidanka dowladda iyo kuwa deegaanka ay ku doonayaan in Al-shabaab ay kaga saaraan degmada Ceelbuur iyo deegaannada hoostaga.