Wararka naga soo gaaraya Magaalada Muqdisho ayaa waxaa ay sheegayaan in rag hubeysan ay maanta barqadii kudileen Garsoore katirsan Maxkamadda Gobolka Banaadir kadibna ay goobta ka baxsadeen.

Alle ha u naxariistee Sheekheey Shariif oo kamid ahaa Garsoorayaasha Maxkamadda Gobolka Banaadir ayaa lagu dilay meel u dhow Gurigiisa oo kuyaalla degmada Dharkeenleey ee Magaalada Muqdisho.

Goobjoogayaal ayaa waxaa ay Warbaahinta u sheegeen in Goobta dilka uu ka dhacay ay tageen Ciidamo katirsan laamaha Amniga degmada Dharkenleey, kuwaas oo ku guuldareystay inay gacanta ku dhigaan dadkii ka dambeeyay dilkaas.

Al-Shabaab ayaa sheegtay mas’uuliyadda dilka loo geystay Sheekheey Shariif oo kamid ahaa Garsoorayaasha Maxkamadda Gobolka Banaadir, waxaana dilkaan uu kusoo aadayaa xilli amniga Magaalada Muqdisho uu yahay mid wanaagsan.