Maxaas ( Raxanreeb )  laba Gaari oo Nuuca Saafurta ah ayaa lagu soo waramahaa in kooxda Al- Shabaab ay ku qarxiyeen  Maqaayado laga qaxweeyo iyo goobo ganacsi oo ku yaala bartamaha degmada  Maxaas ee gobolka Hiiraan.

Inta la ogyahay 5 ruux oo u badan Haween shaah iibinayay ayaa ku geeriyooday Qaraxyada iyadoo 10 kale dhaawacyo soo gaareen.

Warbaahinta ku hadasha Afka Dowladda  ayaa  sheegtay in qaar ka mid ah dadka dhaawacyadu soo gaareen in kastoo xaaladiisu aysan darneyn- loo qaaday magaalada  Belewayne.

Degmada Maxaas ayaa ka mid ah deegaanada ay sida buuxda ula wareegeen ciidanka Dowladda Federaalka Soomaaliya iyo kooxaha Macwiislayda.