New York ( Raxanreeb Online) Madaxweynaha Dowladda Federaalka Soomaaliya, Xasan Sheekh Maxamuud, ayaa maanta la filayaa inuu khudbad ka jeediyo fadhiga 81-aad ee Golaha Guud ee Qaramada Midoobay.

Khudbadda Madaxweynaha ayaa la filayaa in diiradda lagu saaro xaaladda Soomaaliya, horumarka laga sameeyay dhinacyada amniga, siyaasadda iyo dowlad-dhiska, iyo sidoo kale dadaallada dowladda ee xoojinta hay’adaha qaranka.

Sidoo kale, Madaxweyne Xasan Sheekh ayaa la filayaa inuu ka hadlo caqabadaha weli horyaalla Soomaaliya, oo ay ka mid yihiin amniga, xasilloonida siyaasadeed, horumarinta dhaqaalaha iyo arrimaha bani’aadannimada.

Fadhiga Golaha Guud ee Qaramada Midoobay wuxuu sidoo kale fursad u siinayaa Soomaaliya inay beesha caalamka la wadaagto mowqifkeeda ku aaddan arrimaha muhiimka ah ee dalka iyo gobolka.

Khudbadda Madaxweynaha ayaa si gaar ah indhaha loogu hayaa, iyadoo la filayo inuu soo bandhigo aragtida dowladda Soomaaliya ee ku aaddan mustaqbalka dalka iyo xiriirka Soomaaliya la leedahay beesha caalamka.