Hargeysa (Raxanreeb) — ShirkaddaTurkish Airlines ayaa sheegay in sida ugu dhaqsiyaha badan ay u  bilaabi doonto duulimaad toos ah oo ay ku tagayso magaalada  Hargaysa ee Somaliland.

War ay soo saartay shirkada ayaa lagu sheegay  in tani ay qayb ka tahay dadaal ay ku ballaarineyso duulimaadyadeeda Afrika.

 Qorshahan ayay shirkadda  Turkish Airlines sheegtay  in uu soo socday mudo badan ugu danbeyn la so gaaray markii la dhaqan galin lahaa.

Turkish Airlines ayaa hadda Soomaaliya duulimaad  kaliya ka samaysa magaalada Muqdisho, balse waxay shaacisay inay dhowaan qorsheyn doonto inay duulimaadyo ka billowdo Hargeysa ee Somaliland.

Talaabadan waxaa si wayn u soo dhaweeyay  bulshada ku nool  Somaliland , kuwaas oo baahi badan u qabay in ay helaan adeegga duulimaad ee Shirkada Turkish Airlines.