Muqdisho (Raxanreeb ) War ka soo baxay Hay’adda Duulista Rayidka Soomaaliyeed ayaa lagu faahfaahiyay talaabada lagu celiyay diyaarad gaar ah oo siday wafdi ku sii jeeday magaalada Hargaysa.

Diyaaradan oo ka soo kacday Adis Ababa  ayaa  laga celiyay hawada Soomaaliya taas oo ka dhalatay xiriirka xumaaday ee dalalka Soomaaliya iyo Itoobiya.

‘’Hay’adda Duulista Rayidka Soomaaliyeed waxay maanta oo tariikhadu tahay 17/01/2024, hawada Jamhuuriyada Federaalka Soomaaliya ka celiysay diyaarad ay leedahay shirkada Ethiopian Airlines, noceedu yahay Dash 8-Q400, flight number ET8372 kuna socotay Hargeysa, kadib markii ay cadaatay inaanay diyaaradaasi haysan wax fasax ah oo ay ku isticmaasho hawada Soomaaliya.’’ . ayaa lagu yiro qoraalka.